Op zun Oudurps êschreeve
Twiee jubilaerissen êhuldigd…
Iedere ras echte Oudurper kan je zoeo vurtelle wat ur vroeger voor un gebouw bie de tuussing Keldeweegie, Schieerhoek in dun Durpswegt êstôô heid. Kruusing Kelderweegje,Durpswegt in de Scheerhoek êstôô heid.
Zelfs de kruusing wier dur naer vurnoemd de Stoofkruuse ,dur waere eigeluk mar inkelu die wiste dat hut gebouw "De Onvurwacht" hietende.
Want anvangkeluk was hut van 1886 toet 1916 un mieekrapstoove êweest.
In die jaeren wier ur deur de Oudurpse boeren nogal wat mieekrap êteeld, wat in dien tied un aerduge bron van inkomsten voor de boeren opleverde.
Wannieer de mieekrap êdroagd was wier hut toet poeier vurmaele Van de poeier wiere vearfstoffen bereid. Mar op un gegeve oagenblik kwam de klad in hut bereiden van vearfstoffen op deze meniere, ze ginge hut op un cheemise meniere maeke wat bliekbaer simpeler in goewdkoaper kon.
De maelstieenen wiere anêdreeve deur middel van un stoommesiene (as kind weet ik nog dat de stoommesiene compleet mit zun hoage puupe in de maelstieenen dur nog stonge) Dit wier weig êhaeld toet de kommissionaer Klaosje van Dam & Zn de vriegekomme ruumte gieng huure voor zun handel in juun in aerpels. Dat beteekende voor de boeren op Oudurp dat ur in de mieekrap teeldgieen droage snee broaod meer te vurdienen was. Ze moste dus uut gôô kieke naer un vurvangend gewas. Hiervoor kwam de sieherei in anmearking.
Dat betekende dat in 1916 de mieekrapstoove deur un antal boeren vurieenegd in un coöperoasie, de mieekrapstoove opkochte in liete die vurbouwe toet un siehreidroagerieje die de naen " De Onverwacht" kreeg mar in de volksmond altied De Stoove ênoemd wier Voor hut andrieven van hut ronsel in de wasbak, hut sniemesien de kurketrekker in de Jaokobsladder, om de gesneeje sieherei naer de dorde vurdieping te vervoeren was ur noe gieen stoommesien mieer, mar jawel Ze gienge mit dun tied mee in wieer ur un bezienemotor anêschaft. Vanof de verbouwing in 1916 kwamme dur oak nog al wat meansen in dienst want ur wier in twiee ploegen êwearkt Wie of dat allemaele in dien tied waere kan ik joele heelaes niet vertelle Wel weet ik dat twiee vanof hut begin toet dun lesten dag ur êwearkt hewe. Dat waere Siemun Mierop as tarreerder in Bas Moerkearke as voorman van un ploeg Zoeo kon hut gebeure dat in de campanje van 1956 Siemun in Basje voor de veertugste kieer hieran begonne. Dat kan je toch zoeo mar niejt voorbie laete gôô docht de toemaelege weeger Teun. E Taenus. Komz ( beter bekend van de Oranjevurieeniging, dorsmesien dat bie Cor Voogd op de klampe mieet stong, de brandweer in de speeltuun de "Fluppies") zoeodat Teun. Taenus mit hut bestuur van "De Onverwacht "in gesprek gieng om hier un fieesteluk gebeuren van te maeken Gezieje de bestuurlukke ervaerringienen van Teun gieng hut bestuur mit zun voorstel accoord om Siemun Mierop in Bas Moerkearke in hut zunnetje te zetten Dit fieesje zouw in hut dag in hut nachtvurbluuf van "De Onverwacht êhouwe woore. Alles wier netjes schoeone êmaekt in versierd Hut gebeuren zouw op de middug plaets vinde.
Anweezug waere hut bestuur met echtgenotes ,hut voltallige personeel
Eevenieens mit echtgenotes in niejt te vurgeten de jubielaeresen,want hier gieng hut uuteindeluk om. Allerieerst wier hut woord êvoerd deur de voorzitter C. Taenus M. zn. ( van de Palmstee) Hie hietende iederieen van harte welkom op deze wel hieel bezondere middug in zeker de twiee jubelaerussen want veertug jaar bie dun zelfden baes is toch niejt niks Namens het bestuur in personeel wiere Siemun in Bas ieluk un moeoije roakstoel anêboo in kreeg de vrouwe van Bas un moeoije bos bloeomen In toe was ur koffie mit gebak,mar wat Teun Taenus allieene wist gebeurende toe,want wie kwamme dieer aanieens binne? Burgemieester J A Kleinenbearg mit in zun kielzog Wethouwer Jan Voogd. Teun Taenus die eigeluk hier de seremonumieester was,vroeg om andacht voor de Burgemieester. Deze nam hut woord in sprak de twiee hieeren toe, wierp un blik in de historie van mieekrap in siehereiteeld in uute zun waerdieering voor hut feit dat de hieeren Mierop in Moerkearke geduurende veertug jaer onofgebroken in dienst van "De Onverwacht" un êbleeve waere,steeds mit groeote plichtsbetrachting.
De burgemieester deed vurvolgens de verrassende mededeling dat H. M de Koningin aan de beide heren de bronzen eremedaille in de orde van Oranje -Nassau werd toegekend Hut ieeremetael wier deur de Burgemieeater bie de twiee hieeren opêspeld Die dieerna van alle anweezege gasten de hartelukke feelisitaosi in ontvangst namme, Namens de Firma Kl van Dam &zn.
kreegen de jubilarissen ielk un kistje segaoren anêbo.
De jubilaerissen bedankten harteluk de Burgemieester voor zun êsprooke woorden in voor de ongerscheidien die hie naemens H. M de Keunigin bie dur opêspeld hao hut bestuur in medewearkers van de sieherei droagerieje" De Onverwacht" voor de bliek van wardieering in de jaeren lange angenaeme saemenwearing. Nae de plechtigheid bleef mun nog geruume tied bieieen
An alles komt un ende, want wat de fieestgangers van toe nog niejt wiste gebeurende in 1959, dit was hut leste jaer dat ur sihereiwortels in "De Onverwacht" êdroagd wiere, hier mit was oak hut sichorei gebeuren op Oudurp vurleeden tied êwoore Dit gold nutuurluk oak voor de vier aore sihoreifebrieken Zoeoas De Ouddurp, De Eieendracht, De Ceres, De Vooruut allieene de Caago bleef nog draogerieje voor hut droagen van koeijepeen voor veevoer in laeter giene ze copra droage hier bie onstonge nog allus brandjes, wand die copra was un zieer bradbaer artiekel In de stank die ur bie vrie kwam was niejt te harden Mar oak wier deze febriek in 1986 êsloopt, inwiere dur bugeloeos êbouwd. Op de plekke van De Onverwaght Stôôt noe un moeoj appartementencompleks Gehieel in de contoeren van de ouwe Stoove.
Melissant winter 2019
De groewten van Job van Klaos van Job Padmos in Gerda van Koos van Gurp.
Bieschrift foto 1 vlnaer rechts Siemen Mierop, Bsa Moerkearke in Burg J. A. Kleninbearg
Bieschrift Foto 2 Hier kan je nog zieje dat de puupe van de stoommesiene dur nog stôôt Toevallug stôôt onggetekende as jongetje van vierjaer mit zun vaoder oak op die footo
